Oindi' chi una lìngua no dda scrieus est fàtzili meda chi si mroxat. Scriendidda, intamis, sa lìngua abàrrat in is annus, pronta po essi torrada a pigai. In prus, su sadru 'olit scritu po chi si intrit in conca ligendiddu puru, ligendi sa cosa chi si praxit e chi si srebit, ca dd'agataus in sadru puru.

Su sadru seus arrennescendi a ddu srabai ca seus scriendiddu, tanti po si 'onai un'idea in custus ùrtimus trint'annu eus scritu in sadru prus de cantu no essimus fatu in is milli annus a primu, de candu s'agàtat su sadru scritu. Sa literadura sadra e totu is atras genias de cosa scrita in sadru, funt amanniendi sempri de prus.

Calichisiat lìngua, a dda scriri 'olit nai a dònnia sonu chi tenit a ddi fai currispundi una litra. Custu est su printzìpiu, ma no sempri est aici, ca a bortas unu sonu ddu scrieus cun duas litras puru. Is litras de s'arfabetu sadru, chi esprèssant (rappresentano) is sonus de sa lìngua sadra e totu, ddas teneus arringheradas de sa A a sa Z, prus o mancu cumenti totu is arfabetus de is lìnguas europeas.

chi 'oleis imparai a scriri su sadru, sa cosa mellus est a fai unu cursu ma chi no podeis fait a solus puru, ligendi, cumprendendi e domandendi agiudu a s'Ofìtziu de sa Lìngua Sadra e totu.

• S'arfabetu sadru
  

Una pariga de stùdius po cumprendi sa chistioni de sa scriidura:

• Grafia sarda
• Una chistioni frassa
• Sardu de Totus