Unu de is traballus de s'Ofìtziu de sa Lìngua Sadra est a tradusi in sadru sa modulìstiga scrita in italianu. Est unu traballu mannu meda, de cantidadi e de calidadi, ca is fòrmulas medas 'ortas funt in burocratesu e funt parti de unu mundu atesu meda de sa curtura sarda cumenti dd'eus connota fintzas a oi.

Sendi chi funt dogumentus ogualis po dònnia Comunu, no srebit a torrai a fai totus su pròpiu traballu, spedritziendi su tempus e sa fortza po nudda, ma est mellus a chi donniunu callit una cosa e dda cumpartaus (condividiamo) a pari.

Po imoi, po sa modulìstiga, su traballu prus mannu dd'at fatu s'Ofìtziu de sa Lìngua Sadra de su Comunu de Cuartu, tradusendi totu is dogumentus de s'anàgrafi. Po ddus biri e ddus scarrigai bàstat a cracai innoi.

.